موريس نحمان
| ||||
|---|---|---|---|---|
| معلومات شخصيه | ||||
| تاريخ الميلاد | 1868 | |||
| تاريخ الوفاة | 1948 | |||
| الجنسيه |  مصر
| |||
| الحياه العمليه | ||||
| المهنه | تاجر اثار | |||
تعديل مصدري - تعديل  | ||||
موريس نحمان تاجر الآثار الشهير و هو يهودى مصرى عاش فى الفترة (1868– 1948)، فكان له نشاط كبير فى المحلاتة بالآثار المصرية و غيرها.
جد العيلة الاكبر ماتاتياس نحمان، كان يهودى يونانى من شمال اليونان، ابوه المصرفى روبرت بك، ووالدته سارينا روسانو .
تولى موريس وظيفه فى بنك Crédit Foncier Égyptien اللى كان بيقدم القروض العقارية لملاك الأراضى فى مصر فى سنة 1884، وبعدها بقا أمين الصندوق فى سنة 1898، ورئيس للصراف من سنة 1908 لحد سنة 1924، لما تقاعد وكرس نفسه لمعرضه للاثار والتحف. ابتدا مهنته كتاجر للآثار فى سنة 1890، وفى سنة 1913، قام بشراء عقار (قصر ديجليون) أقام فيه معرضه فى وسط القاهرة، فى شارع المدابغ (شارع شريف اليوم).
وكان عمل موريس المصرفى مكنه من التواصل والتعرف مع جامعى الآثار فبنى علاقات شخصية عميقه ومتنوعه معهم. فكان الجامعين ومختصى الآثار الأوربيين كانو يقصدون معرضه بالذات للحصول على القطع الأصليه، ومنهم عالم المصريات البلجيكى جان كابارت، اللى كان واحد من أهم عملاء نحمان، ولقّبه بـ "أعظم تاجر للآثار المصرية فى العالم".
تبرع موريس بالكتير من القطع ساعتها لمتحف الفن الاسلامى، منها، 9 نقوش حجرية، 30 قطعة من النسيج، وعاء من الطين المصرى من القرن الاربعتاشر، قطع حريرية مزينة ومنقوشة ومنسوجات تانيه ذات طابع قبطي.
كمان تبرع نحمان بعشرات القطع التانيه، فى تلاتينات القرن العشرين، لمتحف الفن الإسلامى فى القاهرة، بما فيها قطع قماش من الكتان المطرز بالحرير، محراب خشبى من العهد الفاطمى وجرة من العهد المملوكي.
تعرض النهارده مقتنيات موريس نحمان فى متحف الفن الإسلامى فى القاهرة، وفى متحف ميتروبوليتان، ويتواجد كتاب زواره فى مكتبة ويلبور لعلم المصريات فى متحف بروكلين و هو من القطع الأثرية النادرة، كأداة لتتبع مصادر الآثار المصرية و آ ثار الشرق الاقرب و كان المتحف اشتراه من واحده من بنتا موريس، ألكسندرا نحمان مانسيرو فى سنة 1976.
موريس نحمان ، كان مصدر إلهام شخصية التاجر "أيوب" فى فيلم "المومياء (فيلم)، 1969" للمخرج المصرى شادى عبد السلام، واحد من أبرز المخرجين فى السينما المصريه، و زى دوره الممثل شفيق نور الدين.
توفى فى القاهرة فى 18 مارس 1948، ومكان قبره مش معروف حالى، لكن يرجح أنه دفن فى مقبرة البساتين اليهودية فى القاهرة، علشان الكتير من أفراد أسرته دفنوا فيها. هيا مقبرة تاريخية، تعتبر تانى أقدم مقبرة يهودية بعد مقبرة جبل الزيتون اليهودية فى القدس.