كلمتين يا مصر
| ||||
|---|---|---|---|---|
 | ||||
| معلومات الكتاب | ||||
| المؤلف | احمد فؤاد نجم | |||
| البلد |  مصر
| |||
| اللغه | مصرى | |||
| اللغه | مصرى | |||
تعديل  |
||||
"كلمتين يا مصر" هيا قصيده مصريه للشاعر احمد فؤاد نجم
الكلمات[تعديل]
كل عين تعشق حليوه
و إنتى حلوه فى كل عين
يا حبيبتى أنا قلبى عاشق
و اسمحى لى بكلمتين
كلمتين يا مصر يمكن
هما آخر كلمتين
حد ضامن يمشى آمن
أو مِـآمن يمشى فين
____________________
شابه يا أم الشعر ليلى
و الجبين شق النهار
و العيون بحرين أماني
و الخدود عسل و نار
و اللوالى فى ابتسامتك
يحكو أسرار المحار
ياللى ساكنه القصر عالى
إمتا يهنا لى المزار
كلمينى يا صبيه
طال عليا الانتظار
كلمتين يا مصر يمكن
هما آخر كلمتين
حد ضامن يمشى آمن
أو مِـآمن يمشى فين
____________________
قصرك المسحور غيلانه
أغبا من دود الغيطان
بعد مص الغصن الاخضر
ينحتو عضم العيدان
و اللى خلا الارض خضره
و اللى خلا الدار أمان
عاش بجوعه ملو جوفه
مات بخوفه من الغيلان
روح الغلبان
ما قالشى عن شقا العمر اللى كان
كلمتين يا مصر يبقو
هما آخر كلمتين
حد ضامن يمشى آمن
أو مِـآمن يمشى فين
____________________
آدى كلمه من عذابى قلتها لك
باقى كلمه
من حنينى صنتها لك
فى الضلوع من دنيا ظالمه
كنت خايف يلمحوها
يقتلوها فى سكه ضلمه
شقشقت و النور بشاير
زهرة الصبار يا سالمه
يا نسيم الشوق يا طاير
خد لمصر الحلوه كلمه
طول ما يبقا الركب ساير
بالبصاير و العينين
يبقا ضامن يمشى آمن
يبقا شايف يمشى فين
_____________________
مصادر[تعديل]
- ↑ أحمد فؤاد نجم.. "حد ضامن يمشى آمن أو مآمن يمشى فين" بس نمشى
{{citation}}: Cite has empty unknown parameter:|1=(help)