سمعان صيدناوى
| ||||
|---|---|---|---|---|
تعديل  |
||||
سمعان صيدناوى من قرية «صيدناوي» شرق دمشق بسوريا ,اسس محلات سليم و سمعان صيدناوى
فى سنة 1878 جه سمعان صيدناوى للقاهرة واشتغل مع عمه نيقولا صيدناوى فى مجال التجارة و كانت بداية سمعان هو محل صغير للخردوات فى منطقة الحمزاى بالازهر، و بعد فترة حضر لمصر شقيقه الكبير سليم وشاركه فى المحل، وبعدما اتسعت تجارتهما وضاق بهما الدكان الصغير، انتقلا لحى الموسكى واشتريا بيتا قديما فى ميدان الخازندار وهدماه ليبنيا مكانه دكانا كبيرا، و بعد شهرة الشابين وحسن سمعتهما توسعا فى التجارة وقاما بتحويل المحل لصرح كبير هو تحفة معمارية فى البناء والتصميم والديكورات، وفتحت محلات سليم وسمعان صيدناوى رسميا سنة 1913، وبعدها توالت فروع صيدناوى فى الاسكندريه، و المنصورة ،و طنطا وكل محافظات مصر.
حكاية محلات صيدناوى
محلات سليم وسمعان صيدناوى هيا شركه مصرية اتأسست سنة 1913 و أممت فى الستينيات و بعد صدور قرارات التأميم سميت الشركة بالاسم الحالى شركة الملابس والمنتجات الاستهلاكية بعد دمج محلات شملا والطرابيشى و اسلام سنة 1967 هيا تعمل فى تجاره السلع الاستهلاكيه والغذائية, الشركة بتتبع الشركة القابضة للسياحة والفنادق والسينما.تملك صيدناوى 70 فرع فى كل مدن مصر و 65 مخزن.
التأسيس
فى قلب ميدان «الخازندار» بحى الموسكى، شيد الأخوان السوريان سليم وسمعان صيدناوى (وهم من طائفة الروم الكاثوليك)،[1] المبنى اللى يحمل اسمهما على مساحة تبلغ 8530 متراً ليكون صرحا تجاريا ضخما بارتفاع 4 طوابق، و كان متخصصا فى بيع الأقمشة، والمنسوجات المصرية الصنع، اللى كانت تصنع فى الورش المملوكة لهما، و كانت المساحة المسطحة للدور الواحد تبلغ حوالى 1700 متر.
التأميم
وبعد قيام ثورة يوليه تم تأميم محال صيدناوى واللى عددها 72 فرع، واكتر من 65 مخزن، وعلشان لقلة خبرة القائمين على الفروع، وعدم تحديث المحال والمنتجات، تدهورت الشركة، ولم يتم تجديد فرع الخازندار و هو الفرع الرئيسىلسنة 1989.