رياض غالى
| ||||
|---|---|---|---|---|
 | ||||
| معلومات شخصيه | ||||
| تاريخ الميلاد | 11 نوفمبر 1919 | |||
| تاريخ الوفاة | 12 يوليه 1978 (59 سنة) | |||
| الزوج/الزوجه | الأميره فتحيه (1950–1973) | |||
تعديل مصدري - تعديل  | ||||
[1][permanent dead link] رياض بشاى غالى و هو من مواليد شبرا سنة 1919 كان ابوه موظف فى وزارة التعليم ومن عيله قبطية متوسطة الحال ودرس فى مدرسة الفرير لغاية نهاية المرحلة الابتدائية وتوسط له واحد من تلاميذ والده فألحقه موظف ادارى بالسلك الدبلوماسي.عمل فى الاول فى الكونجو اللى كانت بتعرف وقتها بالكونغو البلجيكية بعده اتنقل للندن وتم انتدابه بعدها ليعمل فى قنصلية مصر فى مارسليا بفرنسا.
اتجوز الأميرة فتحية فؤاد اخت الملك فاروق و كانت اتعرفت عليه فى رحلة علاج أمها الملكه نازلى لما كان بيعمل موظف علاقات عامة فى وزارة الخارجيه المصريه كملحق بالقنصليه المصرية فى مارساى. رافق الملكة وابنتيها فى جولتهم فى اوروبا وبعدها سافر معها الى امريكا الامريكية و اتجوز من فتحيه جواز مدنى فى امريكا فى شهر مايو سنة 1950. و خلف منها 3 ولاد ولدين و بنت و هم رفيق سنة 1952 ورائد سنة1954 و رانيا سنة 1956.فى ٥ يناير سنة 1953 اتقتل الاب بشاى غالى ابو رياض غالى فى اسيوط و هو بيمر على ارضه بعربيته (المصدر: المصرى لايت قصة مقتل حما الاميرة فتحية) .
خد رياض غالى توكيل عام كامل من نازلى و فتحية بالتصرف فى شؤونهما الماليَّة. ولكنه خسر الكثير من المال فى استثمارات فاشله وانتهى الامر الى اعلان نازلى افلاسها سنة 1974 بعد تراكم الديون عليها وقدر رياض الحصول على 40% من باقى حصيلة بيع ممتلكات نازلى بعد التسويه مع البنوك.
وبعد وفاه الرئيس جمال عبد الناصر ابتدت فكرة الرجوع الى مصر تراود فتحية ، لكن اعتناقها للدِّين المسيحى بالاضافه لرياض غالى كان يعتبر من أهم العوائق لعودتها ، لكن بعد تدخل من الدكتور لويس عوض لاح فى الأفق حلّ للمشكلة. و لكن الملكة نازلى رفضت الرجوع لمصر رغم الفقر و الظروف و الضغوط و الاغراءات لانها عارفة ان الرجوع لمصر معناه اضطهادها بسبب دينها المسيحى (المصدر مجلة آخر ساعة لقاء مع الملكة نازلى).
فى يوم 10 ديسمبر 1976 حسب كلام صحفى مصرى استدرجها رياض غالى الى شقته ليمنعها من الرجوع الى مصر، وقام باطلاق أربع رصاصات على رأسها مباشرة فى الوقت نفسه أصابتها رصاصة كمان فى كتفها، فتوفِّيت فى الحال، بعدين أقدم على محاولة انتحار فاشلة بعد ما قتلها بثمانى عشرة ساعة، لكنّه لم ينجح، و أصيب بالشَّلل، حكم عليه بالسجن لمدة 15 عام ونتيجة اطلاقه النار على رأسه عاش مشلولا و أصيب بالعمى فى السجن. مات سنه 1987 عن عمر 68 سنه .
دفن فى مقبرة Garden of the Holy Cross Cemetery فى كلڤر سيتى كاليفورنيا . المفارقة انها هيا نفس المقبرة اللى اتدُفنت فيها الاميرة فتحية وامها الملكة نازلى وجميعهم ماتوا على الديانة المسيحية. ، ومات رياض غالى بعد موت الأميرة فتحيَّة بعد 11 احداشر سنة(المصدر صورة قبر رياض غالى).
المصادر
- ↑ "زواج الأميرة من القبطى هز عرش مصر، الأهرام العربى". Archived from the original on 2011-11-07. Retrieved 2018-07-16.