ردوا السلام
| ||||
|---|---|---|---|---|
 | ||||
| البلد |  مصر
| |||
| غناء | عفاف راضى | |||
| اللغه | مصرى | |||
| الملحن | بليغ حمدى | |||
| المؤلف | سيد مرسى | |||
تعديل  |
||||
ردو السلام
كلمات[تعديل]
ردو السلام.. الا السلام دا غالى
ردو السلام و ماتطلعوش ف العالى
ياسلام
ردو السلام و ما تجرحوش إحساسى
و فكرونى عملت إيه لو ناسى
و ريحونى دانتو أهلى و ناسى
وللا المرار ف شرعكو أحلا لى
ردو السلام و ماتبعدوش و تعالو
وما تزعلوش من كلمتين انقالو
دا عيش وملح و عمر تانى بحاله
بس الزمان عمره ما غنا لى
ردو السلام و كفايه غلبتونى
ردو السلام و كفايه توهتونى
و اللى شافونى تاهو لما شافونى
قالو يا عينى علا سهر الليالى
ردو السلام و اتكلمو ياحبابى
ردو السلام وللا عاجبكو عذابى
يا هلترا هتعدوا يوم علا بابى
وللا الأوان قال للزمان و انا مالى
ردو السلام وللا السلام دا غالى
ردو السلام و ما تطلعوش ف العالى
ياسلام