اتولد رامز جلال يوم 20 ابريل1973, ابتدى دراسته فى مدرسه قصر الطفل الابتدائيه, بعدها نقل لمدرسه الاورمان الاعداديه, و درس الثانويه فى مدرسه الجيزه الثانويه, قرر رامز جلال بعد الثانويه يلتحق بالمعهد العالى للفنون المسرحيه قسم تمثيل و اخراج و اتخرج منه سنه 1995.
اول اعماله كانت مسرحيه"جوز ولوز" و هوا لسا فى المعهد, و اشترك فى ادوار ثانويه فى سهره تلفزيونيه اسمها "الرجل الطيب" من بطولة النجم صلاح ذو الفقار، و مسلسل "ناس ولاد ناس" و "الوعد الحق" و "القضاء فى الإسلام" و "انت لست زوجى" بعدها غاب فتره عن الساحه, و رجع تانى بمسلسل "حياه الجوهرى". أول فيلم شارك بيه كان فيلم "55 اسعاف"و قدم "ميدو مشاكل" مع احمد حلمى و كمان "الباشا تلميذ" مع كريم عبد العزيز و كمان قدم فيلم "حبك نار" مع مصطفى قمر, بعد كدا وصل للنجوميه.