الجيش رجع م الحرب
| ||||
|---|---|---|---|---|
 | ||||
| البلد |  مصر
| |||
| غناء | نظله مزراحى و كورس | |||
| اللغه | مصرى | |||
| الملحن | سيد درويش | |||
| المؤلف | بيرم التونسى | |||
| مقام | نهاوند | |||
تعديل  |
||||
الجيش رجع م الحرب اغنيه مصريه من أوبريت شهرزاد
كلمات[تعديل]
الكل:
الجيش رجع م الحرب بالنصر المبين
والدنيا هايصه و الأهالى فرحانين
بعسكر الدوله اللى عادو منصورين
رافعين بنادقهم و فاردين العلم
خاتون:
تعالا يا باشسنجقدار قول لى يا روحى علا الاخبار
قول لى الحكايه كلها م الابتداء للانتهاء
زعبله:
اول ما روحنا بالعساكر من هنا واخدين معانا اكلنا و بمبنا
عشان أرضيكى وارضى ربنا
ساعة عساكرهم ما شافو وشنا هأ هأ هأ هأ
لقينا سنجقهم جرى كمل بقا يا عسكرى
كورس:
اتفركشو زى الغنم اللى انهزم و اللى اتلخم
و اللى وقف زى الصنم و اللى اكلها بالصرم
اتارى دول عسكر عدم
زعبله:
اول ما شفت المسأله مارضيتش اضرب قنبله
تروح خساره فى الفلا علشان عساكر بالبلا
كورس:
لهم دقون مدلدله و چاكتات مهلهله
زعبله:
قلت يا واد ايه العمل مايسعفكش الا الحيل
اطبخ لهم نسخه سطل جبنا الطاطوره و العسل
و حطناهم فى الحلل وحطينا الشىء عا الجبل
نطو عليها بالعجل و الاكل و اللهط اشتغل
كورس:
سبنا الاعادى مغروزين زى البصل
مفيش واحد منهم وصل لاهله يحكى اللى حصل
زعبله:
وآدى الحكايه كلها م الابتداء للانتهاء
الكل:
الجيش رجع من الحرب بالنصر المبين
و الدنيا هايصه و الأهالى فرحانين
بعسكر الدوله اللى عادو منصورين
رافعين بنادقهم و فاردين العلم