اصحى يا مصر
| ||||
---|---|---|---|---|
معلومات الكتاب | ||||
المؤلف | احمد فؤاد نجم | |||
اللغه | المصرية الحديثة | |||
اللغه | المصرية الحديثة | |||
النوع الادبى | قصيدة قومية مصرية | |||
تعديل |
"اصحى يا مصر" هي قصيدة وطنية مصرية للشاعر المصري الكبير احمد فؤاد نجم.
الكلمات[تعديل]
- اصحى يا مصر
- اصحى يا مصر
- اصحى يا مصر
- هزى هلالك
- هاتى النصر
- كونى يا مصر وعيشي يا مصر
- مدي اديكى
- وطولى العصر
- اصحي وكوني وعيشي يا مصر
- اصحى يا عامل مصر يا مجدع
- وافهم دورك
- ف الوردية
- مهما بتتعب
- مهما بتصنع
- تعبك رايح
- للحراميه
- جهدك عملك
- رزق عبالك
- عرقك مرقك
- ولا يهنا لك
- اصحى يا عا مل
- غير حالك
- صون المصنع
- واصنع مصر
- اصحى وكونى وعيشي يا مصر
- اصحى يا زارع مصر الخضره
- قدره وخضره
- ونور وجمال
- ابدر غيطك
- واحمى البدره
- ضد الافه
- والاستغلال
- ارضك عرضك
- باب الدار
- صبحوا مداسه
- للسمسار
- نعطش
- ولانشربش عكار
- وصفه قالوها الحكما يامصر
- اصحى وكونى وعيشي يا مصر
- واصحى يا جندى
- يا تار الشهدا
- عمى وخالك
- اختى واخوك
- لجل ما تهدا وتارك يهدا
- فرغ نارك ف اللى خانوك
- يابن الشعب يا حامي الشعب
- انت املنا فى يوم الصعب
- اصحى يا جندى ودق الكعب
- حرر مصر وطهر مصر
- اصحى وكوني وعيشي يا مصر